Liga garaipen berri bat U18&Getxo taldearentzat
DRT U18&GETXO 34-14 GERNIKA ELORRIO
Partida bizia eta oso lehiatua jokatu ondoren U18&Getxo taldeak irabazi zuen joan den larunbatean Arripausuetan Gernika Elorrioren aurka jokatutako partida. 34-14 emaitzarekin Beñaten eta Martiren gizonek beste garaipen bat lortu dute Euskal Ligan.
Jose Antonio Martínez, ‘Marti’, entrenatzaile durangarraren hitzetan oso partida bizia eta polita izan zen eta hasieratik markagailuan aurreratzea lortu zuen formakuntzako taldeak. “Gureen jarrera oso positiboa izan zen eta oso ondo lan egin zuten garaipena lortzeko. Halaber, eskerrak eman nahi dizkiegu taldeko gurasoei hirugarren denbora prestatzeagatik, eta Aitziberri, gure delegatuari, taldearekin egiten duen lanagatik”.
Bestalde, Senior Mutilak beste garaipen bat lortu du Euskal Ligan, Atlético SSri 15-61 irabazita.
